IDEARIO

 

Centros Educativos Vicencianos

                    Carácter Propio

                

A Escola Vicenciana comprométese a un ensino de calidade con estilo propio que faga presente a Boa Nova do Evanxeo. O espírito vicenciano caracterízase polos seguintes trazos:

- Unha preocupación polos débiles  no seu nivel económico, capacidade intelectual ou outro tipo de limitación, de acordo coa nosa vocación de servicio.

- Un ambiente educativo que supón sinxeleza, acollida, respecto, confianza, alegría, austeridade, realismo, lealdade e xenerosidade.

- Unha concepción da educación que basea os seus esforzos na integración social dos seus alumnos, a sensibilización polos necesitados e a valoración do saber como medio para mellor servir ós demais.

 

ALGÚNS ASPECTOS BÁSICOS DA NOSA ACCIÓN EDUCATIVA

POTENCIAMOS a motivación e o estímulo como base do crecemento persoal do Alumno, para que chegue ó máximo das súas posibilidades.

ORIENTAMOS ós Alumnos no seu traballo formativo para que descubran as súas aptitudes e limitacións e aprendan a desenvolver as súas capacidades e a tomar decisións con liberdade e responsabilidade.

DAMOS a debida importancia á creatividade e ó desenvolvemento da capacidade intelectual do Alumno, de modo que el mesmo sexa o constructor do seu propio saber.

FAVORECEMOS a educación a través da actividade motriz e da expresión corporal, fomentando a adquisición de destrezas e habilidades.

VALORAMOS a convivencia e potenciamos as relacións de cooperación entre compañeiros e os hábitos de comportamento democrático.

POÑEMOS os avances tecnolóxicos ó servicio da educación, ensinándolles a comprender e valorar con espírito crítico, as distintas formas de expresión.

PROMOVEMOS a formación dos pais para a educación dos seus fillos na familia e a adecuada educación do centro.

FORMAMOS no respecto e defensa da vida humana e do medio ambiente.

PROXECTAMOS  a educación máis aló da aula e do horario lectivo, a través de múltiples actividades formativas.

 

              Curso 2010 - 2011

Rectángulo redondeado: OBXECTIVO PRIORITARIO PARA O CURSO 2010-2011:                      O RESPECTO   OBXECTIVO DE ACCIÓN TITORIAL:    Educar na dimensión persoal e social do RESPECTO, para relacionarnos: con nós mesmos, con Deus, cos demais e coa contorna. OBXECTIVO CONVIVENCIAL:   Axudar a valorar e comprender que toda persoa, polo feito de selo, é merecedora de respecto, independentemente da súa idade, sexo, educación ou cultura, dende o momento da súa concepción ata a morte.       

 

 

 

 

 

 

 

 

 

 

 

 

 

 

 

 

 

NORMAS DE CONVIVENCIA DO CENTRO

 

Ø       Acudir con PUNTUALIDADE ao colexio.

Ø       Coidar o ASEO e IMAXE PERSOAL e a observancia das normas do centro sobre esta materia

Ø       Corrección no trato social, en especial mediante o emprego dunha LINGUAXE CORRECTA E EDUCADA

Ø       Acudir ao centro co UNIFORME ESCOLAR COMPLETO durante todo o curso.

Ø       SER RESPONSABLE no propio traballo, traendo todo o material necesario, así como o traballo realizado

Ø       Manter limpa a clase e o patio

Ø       COIDAR as instalacións, mobiliario e material do Centro, conforme ao seu destino e normas de funcionamento.

Ø       RESPECTAR ás persoas da Comunidade Educativa dentro e fóra do Centro.

Ø        Manter unha conduta apropiada durante o desenvolvemento das clases.

Ø       Non usar o móbil, mp3, consolas, etc... en todo o recinto escolar. Os obxectos retirados entregaránse á Xefa de estudos.

Rectángulo redondeado: O Profesor/a, o Titor/a, a Xefa de Estudos, o Director, e nalgúns casos a Comisión de Convivencia do Consello Escolar, son os que corrixen pedagoxicamente calquera incumprimento das normas citadas.    

 

 

 


 

Os pais, como primeiros responsables da educación dos seus fillos/as, forman parte importante da Comunidade Educativa. O feito da inscrición do seu fillo/a como alumno/a do Centro leva implícito o coñecemento e a libre aceptación de Documento do Carácter Propio (Ideario).

 

A participación das familias no Centro concíbese, non só en canto a unha xestión democrática na que toman parte, senón nun sentido moito máis amplo: co seu obxectivo máis importante centrado no neno/a, aportando ideas, unindo esforzos e traballando por uns obxectivos compartidos.

 

 

CONTAMOS COAS FAMILIAS PARA...

 

v      Respectar o carácter propio do centro.

v      Colaborar co Centro nas actividades que se organicen.

v      Asistir ás entrevistas e reunións ás que sexan convocados para tratar asuntos relacionados coa educación dos seus fillos/as.

v      Informar aos educadores daqueles aspectos da personalidade e circunstancias persoais ou ambientais dos seus fillos/as que sexan relevantes para a súa formación e integración no contorno escolar.

v      Evitar toda crítica destrutiva, respectando o exercicio das competencias técnico-profesionais do persoal do Centro, acudindo sempre ao diálogo cos Titores e Profesores en caso de dúbida ou queixa dos seus fillos/as.

v      Asegurar que os seus fillos/as acudan ao Centro con todo o material escolar e co uniforme completo.

v      Xustificar por escrito as faltas de asistencia ou puntualidade dos seus fillos/as, utilizando para iso o apartado destinado para ese efecto na axenda escolar.

v      Recoller persoalmente aos seus fillos/as cando deban abandonar o Centro durante a xornada lectiva.

v      Axudar aos nenos/as a ser autosuficientes.

v      Afacerlos a adquiriren compromisos, en función da súa idade e esixirlles o seu cumprimento.